الدوش الجزائري تموت علا روحك بضحك
كي كنا صغار نكرهو حاجة سموها الدوش علاش ؟؟
لاخطر امهاتنا كانو ايعذبونا تعذيب كي يكونو يدوشونا
ربي اللي عالم بيا كي تقولي نوض الدوش نمووووت من الخلعة ...ونبدا نحوس وين نتخبا..
تبدا رحلة التعذيب كي تنحيلي الحوايج...
تنحيلي التريكو تقول اتريش في الدجاج... و وذنيا كل وحدة فيهم فجيهة ...
وكي نقولها راهم وجعوني والله...تجيني واحد التسرفيقة من حيث لا أدري ... اسكووووت
أما بالنسبة للماء لازم ضروري ولابدا يكون تحت درجة الغليان ...
يا ماما آه يا ماما راكي طيبتيني ..
وهاهي التسرفيقة الثانية ... بللللع
و كي تكون اتحك لي وجهي قسما بالله تقول اتحك المصباح السحري تاع علاء الدين باش يخرج الجني اللي فيه ..
وراسي ايدووور من الليمين لليسار تقول الصفارة تاع الكوكوط ..
والمشكلة كي يهبطلي الصابون على عينيا و تكون حابة تنحيهولي اتبدلي الملامح تاع وجهي كاملين ... وهادشي بلا العينين اللي يحرقوني ..
ونجيو ملي تشدلك نيفك وتقولك دير نننففففففف..
اتولي تنفنف من ودنيك كل المجاري التنفسية مسدودة ...
فقرة التكياستشد الكيسا تحكها فالصابونة و اتمشي ظهرك وتهبط عليك تقول جزار ايمضي فموس الدبيح ...
طبعا ربي اللي ايسترنا والله راه التكياس تاعها يجيب شلل رباعي ...
بشوية يا نبع الحنان راني نحس شغل راكي تحكي فالفرماج الحمر ...
وملي تخرج من الدوش وتشوف وجهك فالمرايا وتشوف لحمك يتفور تقول كوكوط هادوين فتحوها...
ريوس صباعك ايكونو مكمشين ولونك بين الحمر والبيض من كثرت الحكان ....
الآن فقرة تلبيس الحوائجكي تبغي تلبسلك الحوايج . ياه ياااه.
راسك ايكون كبير ب خمسة المرات من الفم تاع التريكو وهيا بسيييف دخلوا باش تولي تحس بلي راهم ودنيك مشاو مع التريكو ...
اتلبسك الأول ويجي التريكو الزاوج وياك تم وياك تنح يد تاع التريكو وتقولك شد باش تلبس اللي بعدو ...
انجيو لمشيط الشعر ...
حفاظا على سلامة الرأس من القمل والشوائب لازم تحفر المشطة فالشعر وتما ايبدا الحرث الطبيعي وطبعا كاين احتمال أن السنان تاع المشطة يوصلو لمخك ...
شكون صراتلو متلعبوهاش جايين من الترك
حمام نبع الحنان يااااااااااه
