مع الشاعرة..داليا الياس

روميسة
مشاركات: 4169
اشترك في: الأربعاء فبراير 14, 2018 4:55 pm

مع الشاعرة..داليا الياس

مشاركة بواسطة روميسة » الاثنين أغسطس 27, 2018 7:49 pm

ﺩﺍﻟﻴﺎ ﺍﻟﻴﺎﺱ قالت :__

ﻋﻠﻢ ﻧﻔﺴﻚ ﻣﺎ ﺗﺤﺘﺎﺭ ..
ﻭﺻﺪﻕ ﻛﻞ ﺍﻟﻤﺎ ﻣﻌﻘﻮﻝ ..

ﺧﻠﻲ ﺍﻟﻤﻨﻄﻖ ﺑﺮﻩ ﺣﺴﺎﺑك..
ﻭﺃﻭﻉ ﺗﺨﻄﻂ ﻟﻠﻤﺠﻬﻮﻝ ..

ﻣﺎ ﻓﻲ ﻇﺮﻭﻑ ﺑﺘﻮﺍﻓﻖ ﻇﻨﻚ..
ﻭﺑﻜﺮﺓ ﺗﻘﻴﻒ ﻓﻲ ﺍﻟﺼﻒ ﻣﺬﻫﻮﻝ

ﻛﻢ ﻗﺒﺎﻟﻚ ﻳﺎﻣﺎ ﺍﺗﺨﺬﻟﻮﺍ ..
ﻋﺎﺩﻱ ﺑﺘﺤﺼﻞ ﻟﻲ ﻛﻢ ﺯﻭﻝ ..

ﻛﻢ ﻓﻲ ﺍﻟﺪﻧﻴﺎ ﻏﺮﺍﻡ ﺍﺗﺒﺪﺩ..
ﻭﻛﻢ ﻓﻲ ﺍﻟﺮﻳﺪ ﺍﺣﺘﺎﺭﻭﺍ ﻋﻘﻮﻝ

ﻋﻠﻢ ﺍﻟﺤﺐ ﻣﺎ ﻋﻨﺪﻭ ﻧﺘﺎﺋﺞ..
ﻭﻻ ﻓﻲ ﺍﻟﻤﺪﺭﺳﺔ ﻟﻴﻬﻮ ﻓﺼﻮﻝ ..

ﻣﻤﻜﻦ ﻓﺠﺄﺓ ﺣﺒﻴﺒﻚ ﻳﻘﺴﻰ
ﺑﻌﺪ ﺍﻟﺤﺐ ﺍﻟﻜﺎﻥ ﻣﺒﻬﻮﻝ ..

ﻭﻟﻮ ﻇﻨﻴﺖ ﺍﻟﻔﺮﻗﺔ ﺧﺮﺍﻓﺔ ..
ﺗﺒﻘﻰ ﺑﺮﺍﻙ ﺇﻧﺴﺎﻥ ﻣﺨﺒﻮﻝ ..

ﺩﻭﻥ ﺃﺳﺒﺎﺏ ﺍﻟﻨﺎﺱ ﺗﺘﻐﻴﺮ ..
ﻣﻬﻤﺎ ﺳﻨﻴﻦ ﺍﻟﺮﻳﺪﺓ ﺗﻄﻮﻝ ..

ﻭﺣﺴﻦ ﺍﻟﺸﺎﻃﺮ ﻳﻨﺴﻲ ﺍﻟﻔﻜﺮﺓ .. ﻭﻓﺎﻃﻤﺔ ﺍﻟﺴﻤﺤﺔ ﺗﺤﺐ ﺍﻟﻐﻮﻝ !!
***************************
ﺩﺍﻳﻤﺎً ﺧﻠﻲ ﻓﻲ ﺧﻄﺔ ﺑﺪﻳﻠﺔ ..
ﻭﺍﻓﺘﺢ ﺑﺮﺿﻚ ﺧﻂ ﻟﻠﺮﺟﻌﺔ

ﻋﻠﺸﺎﻥ ﺗﺒﻘﻰ ﺍﻟﺼﺪﻣﺔ ﺧﻔﻴﻔﺔ ..
ﻭﻣﺎ ﺗﺘﺤﻜﻢ ﻓﻴﻚ ﺍﻟﻮﺟﻌﺔ

ﻣﻤﻜﻦ ﻃﻌﻨﺔ ﺗﺠﻴﻚ ﻓﻲ ﺿﻬﺮﻙ .. ﻭﺃﻟﻤﻚ ﻳﺼﺒﺢ ﺿﻴﻒ ﺍﻟﻬﺠﻌﺔ

ﻓﺠﺄﺓ ﺑﺪﻭﻥ ﺍﻧﺬﺍﺭ ﻳﺴﺘﻮﻃﻦ ..
ﻭﺇﻧﺖ ﺗﻔﺘﺶ ﺳﻜﻚ ﺍﻟﻨﺠﻌﺔ

ﺳﻬﺎﻡ ﺍﻟﻐﺪﺭ ﻗﺮﻳﺒﺔ ﻭﺟﺎﻫﺰﺓ ..
ﻭﺑﻜﺮﺓ ﺣﻤﺎﻣﻨﺎ ﻳﺠﺎﻓﻲ ﺍﻟﺴﺠﻌﺔ

***************************

ﻭﺍﺣﺬﺭ ﺃﻛﺘﺮ ﻣﻦ ﺃﺣﺒﺎﺑﻚ
ﺃﺻﻠﻮ ﻋﺪﻭﻙ ﻓﻲ ﺍﻵﺧﺮ ﻇﺎﻫﺮ ..

ﻛﻌﺐ ﺍﻟﺰﻭﻝ ﺍﻟﻴﺎﻛﻞ ﻣﻠﺤﻚ ..
ﻭﻋﺸﺮﺗﻮ ﻟﻴﻚ ﻓﻲ ﺍﻷﺻﻞ ﻣﻈﺎﻫﺮ
..
ﻳﺎﻛﻞ ﻟﺤﻤﻚ ﻛﻞ ﻣﺎ ﻳﻘﺪﺭ ..
ﻭﻭﻳﻦ ﻣﺎ ﻳﻠﻘﻰ ﺣﻀﻮﺭو ﻣﻨﺎﺑﺮ ..

ﻳﻜﺸﻒ ﻛﻞ ﺃﺳﺮﺍﺭ ﺃﻳﺎﻣﻚ
ﻭﻳﻜﺴﺮ ﻓﻴﻚ ﺍﻟﺮﻭﺡ ﻭﺍﻟﺨﺎﻃﺮ ..

ﻭﻗﺪﺭ ﻣﺎ ﻛﻨﺖ ﻣﺜﺎﻟﻲ ﻭﻋﺎﺩﻝ
ﺯﻭﻟﻚ ﻳﺼﺒﺢ ﻇﺎﻟﻢ ﻭﺟﺎﺋﺮ

ﺃﺻﻠﻮ ﺍﻟﺰﻭﻝ ﺗﺤﺘﺮﻣﻮ ﻳﺪﻭﺳﻚ..
ﻭﺗﺄﻣﻨﻮ ﻳﺼﺒﺢ ﺧﺎﻳﻦ ﻭﻏﺎﺩﺭ ..

ﻭﻳﻮﻡ ﺗﺪﻳﻮ ﺑﺎﻟﺠﺰﻣﺔ ﻳﺪﻭﺭﻙ
ﻭﻳﻀﺤﻚ ﻟﻴﻚ ﻟﻲ ﺿﺮﺳﻮ ﺍﻟﻌﺎﺷﺮ.

ﺍﻹﻧﺴﺎﻥ ﻣﺨﻠﻮﻕ ﻣﺘﻨﺎﻗﺾ
ﻣﺮﺍﺕ ﺻﺎﻓﻲ ﻭﻣﺮﺍﺕ ﻣﺎﻃﺮ ...

ﻭﺃﻭﻋﻚ ﺗﺄﻣﻦ ﺟﺎﻧﺐ ﻭﺍﺣﺪ ..
ﻭﺛﻘﺘﻚ ﻛﻠﻬﺎ ﺑﻴﻬﺎ ﺗﻐﺎﻣﺮ ...

ﺃﻱ ﻋﻼﻗﺔ ﻣﻊ ﺍﻟﺒﻨﻲ ﺁﺩﻡ ..
ﻣﺎ ﻣﻀﻤﻮﻧﺔ .. ﻭﻟﻴﻬﺎ ﻣﺨﺎﻃﺮ ...

ﻣﻬﻤﺎ ﻳﻜﻮﻥ ﻓﻲ ﺧﺎﻃﺮﻙ ﻏﺎﻟﻲ ..
ﻭﻣﻬﻤﺎ ﻳﻜﻮﻥ ﻓﻲ ﻇﻨﻚ ﻧﺎﺩﺭ.
..
ﺑﺮﺿﻮ ﺿﺮﻭﺭﻱ ﺗﻌﻮﺩ ﻧﻔﺴﻚ
ﻛﻴﻒ ﺗﺘﺮﻳﺚ .. ﻭﻛﻴﻒ ﺑﺘﺤﺎﺫﺭ.
..
ﺃﺻﻠﻮ ﺣﻴﺎﺗﻨﺎ ﺩﺭﻭﺱ ﻭﻣﻮﺍﻋﻆ ..
ﻭﻗﺪﺭ ﻣﺎ ﺗﺮﺑﺢ ﺑﺮﺿﻚ ﺧﺎﺳﺮ.
..
ﻭﻗﺪﺭ ﻣﺎ ﺗﺪﺭﺱ ﺑﺮﺿﻚ ﺟﺎﻫﻞ ..
ﻣﻬﻤﺎ ﻛﻨﺖ ﺣﺼﻴﻒ ﻭﻣﻌﺎﺻﺮ.

ﻭ ( ﺍﻷﻓﻼﻡ ) ﻻﺑﺪ ﺣﺘﺼﺎﺩﻓﻚ .. ﺍﻟﻘﺪﺍﻣﻚ ﻫﺴﻪ ﻣﻨﺎﻇﺮ..

صورة



  • المواضيع المُتشابهه
    ردود
    مشاهدات
    آخر مشاركة

العودة إلى ”شعر وشعراء“